Пытанне раскарчоўкі і закладкі садоў разгледзелі на нарадзе па сельскай гаспадарцы пад старшынствам губернатара Івана Крупко. 

У нарадзе прыняў удзел памочнік Прэзідэнта – інспектар па Гомельскай вобласці Юрый Горлаў.

У гэтым годзе на Гомельшчыне плануюць высадзіць сады на 175 гектарах: на 100 гектарах вясной у Жыткавіцкім раёне, яшчэ 75 гектараў запланавана на восень у Веткаўскім, Гомельскім, Мазырскім і Рагачоўскім раёнах. 

– Тэма застаецца актуальнай. Да канца лютага трэба прапрацаваць усё дэталёва: вылучыць зямлю фермерам і гаспадаркам, якія хочуць займацца развіццём дадзенага накірунку, адпрацаваць тэрміны пасадкі, вырашыць пытанне закупкі саджанцаў, – даручыў старшыня аблвыканкама.

Забяспечанасць раёнаў насеннем яравых збожжавых, зернебабовых культур, шматгадовых траў пад ураджай 2025 года – яшчэ адно пытанне нарады. 

Большасць гаспадарак ужо набылі неабходную сыравіну, аднак у некаторых раёнах назіраецца адставанне па закупках. 

– Да 1 сакавіка ва ўсіх раёнах вобласці ў наяўнасці павінна быць насенне, уключаючы элітныя гатункі. План залужэння і сяўбы гатовы, аб'ёмы вядомыя, неабходна распрацаваць стратэгію работ з канкрэтнымі датамі і лічбамі, указаннем колькасці выкарыстоўваемай тэхнікі, – падабагульніў і падвёў вынік Іван Крупко.

Кіраўнік рэгіёна таксама даручыў раёнам, якія рэалізуюць насенне, пра-весці інвентарызацыю.

Умовы работы створаных на тэрыторыі вобласці пяці новых механізаваных атрадаў таксама абмеркавалі на нарадзе па пытаннях сельскай гаспадаркі. 

Мехатрады будуць ажыццяўляць рамонт сельгастэхнікі, а таксама прадастаўляць шэраг паслуг гаспадаркам: убіраць збожжавыя і кукурузу, уносіць угнаенні, апрацоўваць глебу, араць.

– Работа з гаспадаркамі павінна праводзіцца бесперабойна, – зрабіў акцэнт старшыня аблвыканкама Іван Крупко. – Неабходна таксама прадумаць механізм кантролю гэтых атрадаў, каб тэхніка не прастойвала, а ў людзей была праца.