З планамі прадпрыемства азнаёміўся старшыня аблвыканкама Іван Крупко.

Зімовыя энергазберагальныя цяпліцы зоймуць плошчу ў шэсць гектараў, дзе будуць вырошчваць таматы. На прадпрыемстве пабудаваны цеплавыя помпы, пры дапамозе якіх будзе вырабляцца абаграванне. Таксама ўстаноўлены газавыя катлы для падачы вуглякіслага газу з мэтай павелічэння ўраджайнасці. З улікам выкарыстання асабістых рэсурсаў прадпрыемства праект з'яўляецца энергаэфектыўным і эканамічна выгадным. 

Плануецца, што ў штаце цяплічнай гаспадаркі будзе 90 чалавек. Зараз камбінат падбірае кадры. Стаўку робяць на маладых прафесіяналаў. У снежні 2026 года праект павінен быць рэалізаваны.

Губернатар даручыў кіраўніцтву прадпрыемства прадумаць пытанне навучання спецыялістаў, паколькі сучасныя цяпліцы патрабуюць выкарыстання новых тэхналогій у працы. 

Абмеркавалі таксама пытанне ўзвядзення новага цэха па вытворчасці паперы, у тым ліку крафтавай.