Выязная нарада па пытаннях развіцця ААТ "8 Сакавіка" прайшла з удзелам старшыні аблвыканкама Івана Крупко, старшыні канцэрна "Беллегпрам" Таццяны Лугінай, памочніка Прэзідэнта – інспектара па Гомельскай вобласці Руслана Пархамовіча.

ААТ "8 Сакавіка" – адно з найбуйнейшых прадпрыемстваў швейнай галіны, заснаванае ў 1926 годзе. Кіраўнікі азнаёміліся з поўным цыклам вытворчасці ад стварэння палатна і яго фарбавання да пашыву гатовых вырабаў. 

Для ўдзельнікаў нарады правялі экскурсію па цэхах прадпрыемства, расказалі пра сацыяльныя гарантыі для работнікаў. Гасцям прэзентавалі таксама мадэльны шэраг гатовай прадукцыі.

– У вас адна задача – вытрымаць канкурэнцыю на ўнутраным рынку і знаходзіць магчымасці выхаду на новыя знешнія рынкі, – старшыня аблвыканкама нацэліў кіраўніцтва прадпрыемства на вынік.

На пленарнай частцы закранулі пытанні аптымізацыі інфраструктуры акцыянернага таварыства, а таксама закупкі сыравіны і матэрыялаў, неабходных аб'ёмаў вытворчасці.