На пленарнай нарадзе на чале са старшынёй аблвыканкама Іванам Крупко ўдзельнікі падвялі вынікі рамонту сельгастэхнікі да пачатку пасяўной, абмяркоўваюць пытанні забяспечанасці насеннем, унясення ўдабрэнняў.

Усе раёны прыступілі да веснавых палявых работ, таму тэхніка не павінна прастойваць пры нязначных паломках, падкрэсліў губернатар:

– Галоўнае – вызначыць, хто будзе аператыўна рамантаваць тэхніку, якая выйшла са строю падчас пасяўной. У кожным раёне павінны ведаць, якая арганізацыя выканае гэты від работ. Да таго ж займайцеся падборам механізатараў на вакантныя месцы.

Адно з пытанняў пленарнай нарады – сяўба шматгадовых траў і перазалужэнне. Патрабаванне кіраўніка рэгіёна да старшынь райвыканкамаў – пачынаць ужо зараз, каб своечасова атрымаць свежы корм для жывёлы:

– Трэба строга выконваць тэрміны сяўбы. Калі ўсё зрабіць своечасова і па тэхналогіі, то праз месяц можна будзе закладваць у траншэю свежы корм.

Акрамя таго, губернатар даручыў не забываць пра ўнясенне угнаенняў. Толькі паскоранымі тэмпамі можна дабіцца максімальнага эфекту і дасягнуць пастаўленых мэтаў.

Начальнік упраўлення інтэнсіфікацыі раслінаводства камітэта па сельскай гаспадарцы і харчаванні аблвыканкама Алена Філіповіч расказала, што перад гаспадаркамі рэгіёна стаіць задача пасеяць каля 30 тысяч гектараў шматгадовых траў на раллі, з іх 17 тысяч будзе складаць люцэрна. Аграрыям трэба будзе таксама перазалужыць каля 32 тысяч гектараў лугапастбішчавых угоддзяў:

– Насенне да пасеву маецца ў поўным аб'ёме на раллі, каб перазалужыць, ёсць некаторыя пытанні ў шэрагу раёнаў. Сёння пазначылі тэрміны выканання работ.

Структура пасяўных плошчаў у вобласці захавалася на ўзроўні мінулых гадоў: 100 тысяч гектараў яравых збожжавых культур, каля 280 тысяч гектараў кукурузы, з іх 85 тысяч – на зерне. Да сяўбы яравых культур прыступіла большасць раёнаў, першы на чарзе – ячмень. Актыўна ідзе праца па падкормцы азімых збожжавых. на завяршальнай стадыі першая падкормка азімага рапсу, а праз тыдзень ужо пачнецца другая.

Удзел у семінары прыняў памочнік Прэзідэнта – інспектар па Гомельскай вобласці Руслан Пархамовіч.