Праявіць сябе ў творчым спаборніцтве – конкурсе выканаўцаў эстраднай песні "Віцебск" і дзіцячым музычным конкурсе "Віцебск" – прыйшлі больш за 30 удзельнікаў, дзве трэці з іх юныя спевакі.

Кастынг, які праводзіўся абласной філармоніяй, пачаўся з падарунка: для юных удзельнікаў дала майстар-клас Вольга Булай – салістка Маладзёжнага тэатра эстрады, лаўрэат міжнародных конкурсаў і фестываляў.

Удзельнікі выканалі па дзве песні. Па выніках выберуць мінімум пяць лепшых вакалістаў у кожнай узроставай групе. Але ў любым выпадку для ўсіх канкурсантаў абласны адборачны тур стане выдатнай школай матывацыі, магчымасцю атрымаць зваротную сувязь, убачыць узровень іншых кандыдатаў.