Гомельскі абласны выканаўчы камітэт

Адрес облисполкома

Адрас: 246050, Гомель, пр. Леніна, 2

Сувязь

Рэспубліканскае ўнітарнае прадпрыемства электрасувязі «Белтэлекам» – вядучая тэлекамунікацыйная кампанія са шматгадовай гісторыяй, персанал якой забяспечвае і развівае важныя для дзяржавы, грамадства, прыватных і карпаратыўных кліентаў тэхналогіі сувязі. У сваёй дзейнасці прадпрыемства робіць стаўку на актыўную палітыку пашырэння і паляпшэння паслуг электрасувязі. Кампанія дынамічна развіваецца і займае дамініруючую пазіцыю на тэлекамунікацыйным рынку Рэспублікі Беларусь, з'яўляючыся буйнейшым аператарам электрасувязі на тэрыторыі нашай краіны.

Брэнд-партфель кампаніі складаецца з брэнду «Белтэлекам», якім прадстаўлена галасавая сувязь, перадача дадзеных, хостынг і шэраг іншых паслуг, а таксама брэндаў byfly (высокахуткасны доступ у Інтэрнэт), ZALA (інтэрактыўнае тэлебачанне) і ЯСНА (пакеты паслуг).

Сёння byfly – гэта правадны і бесправадны доступ да сеткі Інтэрнэт, які забяспечвае высокую хуткасць перадачы дадзеных, камфортнае карыстанне паслугай дома і на рабоце. У залежнасці ад тэхналогіі падключэння абанентам гандлёвай маркі byfly даступныя хуткасці ад 3 да 100 Мбіт/с і вышэй.

ZALA- гэта брэнд, які аб'ядноўвае паслугі тэлебачання ад РУП «Белтэлекам». У рамках дадзенага брэнда абанентам прапануюцца паслугі інтэрактыўнага, эфірнага і інтэрнэт тэлебачання. Шырокі выбар каналаў, наяўнасць тэматычных пакетаў розных жанраў, робяць паслугі ZALA папулярнымі ў розных слаях насельніцтва краіны. Інтэрактыўнасць ZALA дазваляе абаненту глядзець любімыя перадачы ў зручны менавіта для яго час.

ЯСНА - гэта брэнд, у рамках якога абанентам прапанаваны розныя наборы з некалькіх паслуг, неабходныя сучаснаму чалавеку для камфорту і паўнавартасных зносін. У рамках брэнда фізічным асобам аказваюцца найбольш запатрабаваныя паслугі на базе сеткі абаненцкага доступу па тэхналогіі GPON (пасіўныя аптычныя сеткі). З выкарыстаннем гэтай тэхналогіі абанентам даступна падключэнне да сеткі інтэрнэт на хуткасці да 100 Мбіт/с, сучасныя паслугі тэлебачання і іншыя сэрвісы, якія патрабуюць высокай прапускной здольнасці.

GPON - тэхналогія з'яўляецца разнавіднасцю FTTH (оптыка да дома) і прадугледжвае давядзенне да кватэры абанента аптычнага валакна. Тым самым выключаюцца ўсе актыўныя прамежкавыя прылады (камутатары, маршрутызатары), што, несумненна, павышае якасць прадастаўлення сэрвісаў, а таксама стварае перадумовы для нарошчвання хуткасці да абанента да 1 Гбіт/с і больш. Пры гэтым абаненту ўсталёўваецца «разумная» прылада ONU, якая мае розныя інтэрфейсы (Ethernet, FXS, WiFi) для прадастаўлення разнастайных тэлекамунікацыйных паслуг - паслуг тэлефоннай сувязі на базе тэхналогіі IMS, інтэрактыўнага і інтэрнэт тэлебачання ZALA, паслуг доступу да сеткі інтэрнэт, ахоўнай сігналізацыі, дамафона, паслугі «Разумны дом».

Адзін з галоўных індыкатараў поспеху і даверу да кампаніі - гэта колькасць абанентаў, якая ўвесь час расце. Мільёны абанентаў давяраюць РУП «Белтэлекам» як пастаўшчыку паслуг сувязі. Па шчыльнасці пранікнення шырокапалоснага доступу ў сетку інтэрнэт на 100 жыхароў Рэспубліка Беларусь выйшла на сярэднееўрапейскія паказчыкі.

Скарыстацца сёння кропкамі доступу Wi-Fi ад «Белтэлекам» можна ў найбольш наведвальных месцах грамадскага карыстання большасці гарадоў Беларусі. Большая частка найбольш запатрабаваных хот-спотаў знаходзіцца ў будынках гасцініц, нацыянальным аэрапорце, спартыўных комплексах і санаторыях, на чыгуначных вакзалах, аўтавакзалах, кінатэатрах, гандлёвых і выставачных цэнтрах.

Для зручнасці сваіх кліентаў «Белтэлекам» утрымлівае сетку сэрвісных цэнтраў на тэрыторыі ўсёй краіны.

У цяперашні час РУП «Белтэлекам» забяспечвае перадачу па каналах сувязі тэлевізійных і радыёвяшчальных праграм тэлерадыёкампаній, арганізоўвае падачу пазапланавых тэлевізійных перадач, «тэлемаста» і «відэаперагонаў» з месцаў правядзення мерапрыемстваў і іншых падзей, ажыццяўляе эфірную трансляцыю тэлевізійнага і гукавога вяшчання на тэрыторыі рэспублікі.

На базе сеткі xPON карыстальнікам прапануюцца паслугі якасна новага ўзроўню. Акрамя стандартнага набору – тэлефон, тэлебачанне, інтэрнэт – інфраструктура сеткі дазваляе атрымаць «Разумны дом», «Відэакантроль», дамафонную сувязі і цэлы шэраг астатніх паслуг.

У апошнiя годы істотна пашырана лінейка пакетаў «ЯСНА». Нашым карыстальнікам даступна хуткасць работы ў інтэрнэт да 200 Мбіт/с.

З'явіліся новыя рашэнні для бізнес-сектара. Карпарытыўным кліентам «Белтэлекам» прапануецца шырокі пералік сучасных тэлекамунікацыйных паслуг «пад ключ». Паспяховай навінкай мінулага года стаў пакет паслуг «Бізнес-кейс». Акрамя гэтага, актуалізавана лінейка паслуг хостынгу, укаранёны шэраг іншых запатрабаваных паслуг.

Галіна паштовай сувязі з'яўляецца неад'емнай часткай вытворчай і сацыяльнай інфраструктуры Рэспублікі Беларусь і функцыянуе на яе тэрыторыі для задавальнення патрэбаў фізічных і юрыдычных асоб, органаў дзяржаўнага кіравання ў паслугах паштовай сувязі.

Рэспубліканскае ўнітарнае прадпрыемства паштовай сувязі «Белпошта» з'яўляецца Нацыянальным аператарам паштовай сувязі Рэспублікі Беларусь і выконвае Дзяржаўны сацыяльны стандарт па частаце дастаўкі пошты:

• у раёнах, у тым ліку аграгарадках, 1 раз у дзень не менш за 5 дзён у тыдзень;

• у абласных цэнтрах - 1-2 разы на дзень 6 дзён у тыдзень.

Місія кампаніі: найбольш поўнае задавальненне патрэбаў юрыдычных і фізічных асоб у паслугах паштовай сувязі.

Дэвіз кампаніі: «Хуткасць, надзейнасць, даступнасць!».

У склад Гомельскага філіяла РУП «Белпошта» уваходзіць 5 рэгіянальных вузлоў паштовай сувязі і галаўное падраздзяленне горада Гомеля, якія ўключаюць у сябе: 559 аб'ектаў паштовай сувязі па аказанні паслуг фізічным і юрыдычным асобам, з іх: 490 стацыянарных АПС, 52 перасоўных АПС, 10 пунктаў паштовай сувязі, 7 спецыяльных падраздзяленняў «Бізнес-пошта». 64 аб'екта паштовай сувязі маюць 72 вылучаных аперацыйных вокнаў па прадастаўленні паштовых паслуг у прыярытэтным парадку. 

Асноўнай перавагай кампаніі з'яўляецца аператыўная дастаўка адпраўленняў і грузаў па ўсёй тэрыторыі Беларусі (на працягу 1-3 дзён).

Да паслуг паштовай сувязі адносяцца: прыём, апрацоўка, перавозка, дастаўка (ўручэнне) адрасатам адпраўленняў пісьмовай карэспандэнцыі, пасылак, паштовых грашовых перакладаў, адпраўленняў паскоранай пошты, прыём падпіскі на друкаваныя сродкі масавай інфармацыі і іх дастаўка, выплата пенсій, дапамог, кампенсацый і ажыццяўленне іншых выплат.

Разгалінаваная сетка аб'ектаў паштовай сувязі дазваляе задавальняць патрэбнасці насельніцтва ў паслугах паштовай сувязі. З пералікам аказваемых паслуг РУП «Белпошта» можна азнаёміцца на сайце http://www.belpost.by.

Усе аб'екты паштовай сувязі Гомельскай вобласці аўтаматызаваны. Праведзена ўкараненне новых спецыяльных камп'ютэрных сістэм, касавых падсумоўваючых апаратаў новага пакалення, што дазваляе павысіць якасць і эфектыўнасць функцыянавання пошты.

Развіццё філіяла накіравана на павышэнне кліентаарыентаванасці: развіццё сістэм самаабслугоўвання кліентаў з выкарыстаннем плацежна-даведачных тэрміналаў, паштаматаў, абсталявання «Электронная чарга», інтэрнэт-тэхналогій, сучасных метадаў абслугоўвання карпаратыўных кліентаў у структурных падраздзяленнях «Бізнес-пошта» без фізічнай прысутнасці кліента.

Прыярытэтнымі напрамкамі развіцця з'яўляюцца:

- паслугі доступу да дзяржаўных інфармацыйных рэсурсаў праз узаемадзеянне з агульнадзяржаўнай інфармацыйнай сістэмай (ААІС). У цяперашні час у вылучаных аб'ектах паштовай сувязі можна атрымаць 22 электронныя паслугі;

- фінансавыя паслугі;

- паслугі з высокім дабаўленым коштам;

- паслугі паскоранай пошты;

- паслугі «Паштовы кур'ер»;

- паслугі «Адпраўленні з аплочаным перасыланнем»;

- перавозка тавараў і грузаў прадстаўнікоў дыстанцыйнага гандлю ў рамках паслуг «Е-commerce», «МАХ», «Е-commerce МАХ», «Экспрэс-кур’ер».

Рэспубліка Беларусь з'яўляецца членам Сусветнага паштовага саюза, РУП «Белпошта» ганаравана сертыфікатамі, якія сведчаць аб адпаведнасці якасці паслуг сусветным стандартам. Паштовае супрацоўніцтва дзяржаў-членаў саюза забяспечвае магчымасць дастаўкі пошты ў любую кропку свету.