Грамадства

Лукашэнка: суверэнітэт і незалежнасць непахісныя, а Беларусь ніколі не будзе ворагам Расіі

16.12.2022

6 снежня, Мінск /Кар. БЕЛТА/. Суверэнітэт і незалежнасць Беларусі непахісныя. Пры гэтым Беларусь ніколі не будзе ворагам Расіі. Аб гэтым кіраўнік беларускай дзяржавы Аляксандр Лукашэнка заявіў на нарадзе па пытаннях беларуска-расійскага супрацоўніцтва, перадае карэспандэнт БЕЛТА.

Аляксандр Лукашэнка адзначыў, што праз перыяд часу пасля спробы мяцяжу ў Беларусі можна пацвердзіць правільнасць выбранага курсу на збліжэнне з Расіяй і своечасовасць адпаведных мерапрыемстваў, уключаючы зацвярджэнне пакета інтэграцыйных дакументаў у рамках Саюзнай дзяржавы. "Гэтыя праграмы ні ў якім разе не закранаюць незалежнасць, суверэнітэт ні Беларусі, ні Расіі", - сказаў Прэзідэнт.

ЛУКАШЭНКА: ПАКУЛЬ СУПРАЦЬ НАС НЕ ЎВЯЛІ САНКЦЫІ, РАСІЯНЕ І НЕ ВЕДАЛІ, НА ШТО ЗДОЛЬНЫЯ БЕЛАРУСЫ

Гаворачы аб рэалізацыі саюзных праграм, Прэзідэнт падкрэсліў, што дамоўленасць па іх была дасягнута адзін раз і застаецца непарушнай. Пры гэтым ні ў адной праграме няма замаху на суверэнітэт і незалежнасць Беларусі, падкрэсліў Аляксандр Лукашэнка.

Кіраўнік дзяржавы адкрыта выказаўся наконт размоў аб суверэнітэце і незалежнасці Беларусі з прычыны паглыблення супрацоўніцтва з Расіяй. "Я бачу, цяпер нагнятаецца сітуацыя. Асабліва пасля гэтых маштабных перагавораў (маючыя адбыцца 19 снежня перагаворы прэзідэнтаў Беларусі і Расіі ў Мінску. - Заўвага БЕЛТА) усе будуць гаварыць, што ўсё: ужо ў Беларусі няма ўлады, тут ужо расіяне пяшком ходзяць і кіруюць краінай. Яшчэ раз хачу падкрэсліць гэту асаблівасць: ніхто, акрамя нас, Беларуссю не кіруе. Гэта нашы функцыі па Канстытуцыі, і мая ў тым ліку. Мы рэалізоўваем гэтыя функцыі", - заявіў беларускі лідар.

ЛУКАШЭНКА АБ ТЭМЕ ПЕРАГАВОРАЎ З ПУЦІНЫМ: ПЫТАННІ СТРАТЭГІІ - ПЕРШ ЗА ЎСЁ Ў СФЕРЫ ЭКАНОМІКІ

"Пытанні стратэгіі - перш за ўсё ў сферы эканомікі. Так, мы будзем гаварыць аб ваенна-палітычнай сітуацыі вакол нашых дзяржаў. Вядома, мы не абмінём пытанне не толькі ВПК, але і будзем гаварыць пра абараназдольнасць, бяспеку. Але галоўнае - гэта эканоміка", - расказаў кіраўнік дзяржавы.

"Многія ў нас тут пачынаюць шаптацца, калі не атрымліваецца дамовіцца, што Расія ставіць непрымальныя для нас умовы, звязаныя з нашай незалежнасцю і суверэнітэтам. Абсалютна шчыра гавару: пры ўсіх складанасцях, калі Расійская Федэрацыя - кіраўніцтва - хоча будаваць адносіны з суверэннай незалежнай дзяржавай Беларусь, калі Расія ўспрымае нас як суверэнную і незалежную дзяржаву (але вельмі блізкую, вельмі надзейную, дзе ўсё рускае - ад мовы да расійскіх традыцый - свята шануецца), мы гатовы выбудоўваць адносіны. Але мы павінны заўсёды зыходзіць з таго, што мы - дзяржава суверэнная і незалежная", - падкрэсліў Аляксандр Лукашэнка.

Кіраўнік дзяржавы адзначыў, што беларуская дзяржава ў свой час была гатова і далей жыць і працаваць у рамках Савецкага Саюза, але, тым не менш, набытыя суверэнітэт і незалежнасць непахісныя: "Мы гатовы былі ў адной дзяржаве жыць, служыць, працаваць. Імя яе Савецкі Саюз. Усё было на маіх вачах. Але не мы яе разбурылі. І адкуль пайшлі тэндэнцыі да разбурэння гэтай дзяржавы, і аб прычынах гэтага разбурэння мы шмат ведаем. Таму нам, няхай нечакана, дасталіся гэтыя суверэнітэт і незалежнасць. Мы свята гэта павінны захоўваць. Паколькі гэтага хоча беларускі народ".

Разам з тым Прэзідэнт падкрэсліў важнасць захавання дружалюбных і саюзніцкіх адносін з Расіяй. "Але мы ніколі не будзем ворагамі Расіі. І ніколі скоса ў бок Расіі глядзець не будзем. Гэта самая блізкая нам дзяржава, самыя блізкія нам народы. Думаю, пакуль мы з вамі на чале ўлады, мы такой тэндэнцыі будзем прытрымлівацца. Калі было б інакш, было б, як ва Украіне. Усе гэта разумеюць, але не ўсе могуць аб гэтым гаварыць. Тыя, хто збег, ім трэба зарабляць грошы на жыццё. Грошы нехта даў, сказаў, як сказаць, - яны гавораць.Таму суверэнітэт і незалежнасць непахісныя. І ўсялякія размовы ў нас ці там (за мяжой. - Заўвага БЕЛТА) іншыя - гэта значыць здрада інтарэсам беларускага народа", - заявіў кіраўнік дзяржавы.

"Так, мы з Расіяй як суверэнная і незалежная дзяржава. Я гэта гавару спакойна, ведаючы пазіцыю Прэзідэнта Расіі. Мы нават гэта пытанне цяпер не абмяркоўваем. Мы адзін раз адсеклі і дамовіліся, як будзем дзейнічаць, падпісаўшы гэтыя 28 праграм. Там няма замаху ні ў адной праграме на нашы суверэнітэт і незалежнасць", - рэзюмаваў Аляксандр Лукашэнка.-0-

К СПИСКУ НОВОСТЕЙ

Адрес облисполкома

Лукашэнка: суверэнітэт і незалежнасць непахісныя, а Беларусь ніколі не будзе ворагам Расіі