Эканоміка

ЭКАНОМІКА: агульныя аспекты

Гомельская вобласць з'яўляецца найбуйнейшай у Рэспубліцы Беларусь. Плошча яе тэрыторыі - амаль сорак з паловай тысяч квадратных кіламетраў, што складае пятую частку тэрыторыі рэспублікі. Гомельшчына размешчана на паўднёвым усходзе Беларусі. Мяжуе з Бранскай вобласцю Расіі, а таксама з Кіеўскай, Чарнігаўскай, Жытомірскай і Ровенскай абласцямі Украіны.

Насельніцтва Гомельскай вобласці складае 1375 тысяч чалавек (14,7% агульнай колькасці насельніцтва рэспублікі), у эканоміцы занята 576 тысячы чалавек. У адміністрацыйным цэнтры - горадзе Гомелі - колькасць насельніцтва складае больш за 507 тысяч жыхароў.

Важным аспектам геаграфічнага патэнцыялу рэгіёну з'яўляецца наяўная база прыродных рэсурсаў. На яго тэрыторыі кампактна размешчаны багатыя радовішчы калійнай і каменнай солі, бурага вугалю, шкляных пяскоў, торфу, мелу, а таксама такія рэсурсы як лес, будаўнічы камень, граніт, гіпс, гліна, гаручыя сланцы.

У структуры рэспубліканскіх аб'ёмаў Гомельская вобласць складае важны ўклад – гэта больш за 20% прамысловай вытворчасці, каля 15% сельскагаспадарчай вытворчасці, будаўніча-мантажных работ, каля 12% рознічнага тавараабароту, экспарту тавараў.

Гомельская вобласць з'яўляецца найбуйнейшым індустрыяльным рэгіёнам рэспублікі. За 2021 год выраблена прамысловай прадукцыі на суму 32,6 млрд. рублёў. Тут працуе больш 200 буйных і сярэдніх прадпрыемстваў, на якіх занята больш 150 тысяч чалавек.

Асноўнымі відамі эканамічнай дзейнасці, якія вызначаюць развіццё рэальнага сектара эканомікі Гомельскай вобласці, з'яўляюцца вытворчасць нафтапрадуктаў, металургічная вытворчасць, вытворчасць машын і абсталявання, здабыча паліўна-энергетычных карысных выкапняў, хімічнае вытворчасць, харчовая прамысловасць і іншыя.

У Гомельскай вобласці ажыццяўляецца ўся здабыча беларускай нафты і газу, вытворчасць тэрмапаліраванага ліставога шкла

і сульфатнай беленай цэлюлозы, больш за 90% кормаўборачных

і збожжаўборачных камбайнаў, сталі, больш за палову мінеральных фосфарных угнаенняў, аўтамабільнага бензіну і дызельнага паліва, абіўной прадукцыі, солі харчовай, вырабаў з фарфору, больш за 25% станкоў для апрацоўкі металаў, фанеры і драўняна-кудзелістых пліт.

На тэрыторыі Гомельскай вобласці размешчаны шэраг прамысловых гігантаў, стабільная праца якіх дазваляе рэгіёну быць канкурэнтаздольным.

У лік валаўтваральных для вобласці прадпрыемстваў уваходзяць ААТ «Мазырскі нафтаперапрацоўчы завод», РУП ПА «Беларуснафта», ААТ «Беларускі металургічны завод - кіруючая кампанія холдынгу» Беларуская металургічная кампанія», РУП «Гомельэнерга»,

ААТ «Гомсельмаш», ААТ «Гомельскі хімічны завод», ААТ «Гомельскі завод ліцця і нармалей», ААТ «Рагачоўскі малочнакансервавы камбінат», ААТ «СветлагорскХімвалакно», ААТ «Рэчыцкі метызны завод».

За апошнія гады ў вобласці рэалізаваны шэраг буйных інвестыцыйных праектаў: павялічаны вытворчыя магутнасці

ААТ "Беларускі металургічны завод", ААТ "Гомельшкло" арганізавана вытворчасць па прамысловай перапрацоўцы шкла, ААТ «Светлагорскі ЦКК» запушчана вытворчасць сульфатнай беленай цэлюлозы,

у Добрушы створана вытворчасць мелаванных і немелаваных відаў кардону, уведзены ў эксплуатацыю Петрыкаўскі горна-абагачальны камбінат, праведзена маштабнае тэхнічнае пераўзбраенне дрэваапрацоўчых прадпрыемстваў вобласці (ААТ "Гомельдрэў",

ААТ "Рэчыцадрэў"), у сферы аднаўляльнай энергетыкі пабудаваны

4 фотаэлектрастанцыі і гідраэлектрастанцыя сумарнай магутнасцю

95 мегават, мадэрнізаваны прадпрыемствы харчовай прамысловасці (ААТ "Мілкавіта", кандытарская фабрыка "Спартак", Светлагорскі філіял ПУП "Калінкавіцкі малочны камбінат") і іншыя праекты.

У мэтах нарошчвання прамысловага патэнцыялу працягнецца рэалізацыя шэрагу праектаў: будаўніцтва дрэваапрацоўчага завода (ТАА «Мазырскі лесазавод»), усталёўка абсталявання па вытворчасці пліткавага шакаладу (ААТ «Спартак»), засваенне новых інавацыйных тэхналогій па ахаладжэнні і замарозцы мяса і мясных прадуктаў

(ААТ «Гомель мясакамбінат»), арганізацыя вытворчасці вырабаў медыцынскага прызначэння (УП «Алкапак»), рэканструкцыя лініі

па вытворчасці мінералаватных вырабаў (ААТ "Гомельбудматэрыялы"), арганізацыя ў горадзе Гомелі вытворчасці прыбораў уліку энергарэсурсаў, развіццё ў горадзе Рагачове вытворчасці кліматычнага абсталявання, стварэнне вытворчасці па выпуску пелет у Брагінскім

і Рагачоўскім раёнах, арганізацыя вытворчасці аднаразовага посуду

на аснове цэлюлозы (ААТ "Светлагорск Хімвалакно") і шэраг іншых.

У вобласці працуюць прадпрыемствы, створаныя з удзелам замежнага капіталу з больш як 40 краін свету, сярод якіх Расія, Украіна, Аўстрыя, Германія, Італія, Кіпр, Польшча, Латвія, Літва, Люксембург

і іншыя.

Гомельская эканоміка з'яўляецца экспартаарыентаванай. Больш за 50% усёй вырабленай прадукцыі пастаўляецца на рынкі краін блізкага і далёкага замежжа.

Знешнегандлёвыя адносіны звязваюць арганізацыі Гомельскай вобласці з партнёрамі з больш чым 116 краін свету. У 2021 годзе

на знешнія рынкі экспартавана тавараў на суму 5,5 млрд. даляраў ЗША.

На знешнія рынкі пастаўляюць вырабы з нафты і нафтапрадуктаў, угнаенняў, звадкаваных нафтавых газаў, солі і іншых (30,2% у экспарце вобласці), чорных металаў (29%), малака і малочнай прадукцыі

(7,7%), механічнага абсталявання (4,9%), драўніны і вырабы з яе (4,3%), пластмасы і вырабы з яе (3,8%) і іншыя тавары.

У мэтах садзейнічання развіццю інавацыйнай інфраструктуры

у вобласці створаны 2 навукова-тэхналагічныя паркі: ААТ «Гомельскі тэхнапарк» і «Тэхнапарк «Коралл» РУСП «Агенцтва развіцця

і садзейнічання інвестыцыям», на плошчах якіх размешчаны і дзейнічаюць малыя інавацыйныя прадпрыемствы, якія займаюцца распрацоўкай і ўкараненнем новых і высокіх тэхналогій.

Істотны ўклад у развіццё рэгіянальнай навукова-тэхнічнай

і інавацыйнай дзейнасці ўносіць супрацоўніцтва вучоных вобласці

з замежнымі партнёрамі, якое ажыццяўляецца ў рамках выканання міжнародных кантрактаў і дамоваў.

У вобласці ажыццяўляюць дзейнасць 40 тысяч суб'ектаў малога

і сярэдняга прадпрымальніцтва, у тым ліку 9,2 тысячы арганізацый малога і сярэдняга прадпрымальніцтва, 30,8 тысячы індывідуальных прадпрымальнікаў.